ශරීර ස්කන්ධ දර්ශකය සහ ස්ථූලතාවය

ශරීර ස්කන්ධ දර්ශකය යනු කුමක් ද ?
බර සහ උස අතර ඇති සම්මත අනුපාතයක් වන අතර එය සෞඛ්‍යය තත්ත්වය පෙන්නුම් කරන දර්ශකයක් ලෙස බොහෝවිට භාවිතා කරයි.

ඔබගේ ශරීර ස්කන්ධය කි.ග්‍රෑම් වලින් ලබාගෙන එම අගය, උසෙහි වර්ගය මීටරවලින් එන අගයෙන් බෙදනු ලැබූ විට ශරීර ස්කන්ධ දර්ශකය ලබාගත හැකිය.

ශරීර ස්ක්නධ දර්ශකය    =     බර (කි.ගෑම්)
උස(මීටර)x උස(මීටර)

ශරීර ස්කන්ධය දර්ශකය(kg/m2)
වර්ගීකරණය          සෞඛ්‍ය ගැටලු සදහා අවදානම

  • <  18                                   බර අඩු                                    වැඩියි
  • 18 – 23                           බර සාමාන්‍ය                                අවමයි
  • 23- 25                                 බර වැඩි                                   වැඩියි
  • > 25                                     අධිබර                                    අධිකයි

ශරීර ස්කන්ධ දර්ශකය 18kg/m2 අඩු නම් එය අඩුබර ලෙස හැදින්වේ.

බහුලව දක්නට ලැබෙන හේතු කිහිපයක් :

  • අඩු වාර ගණනක් ආහාර ගැනීම
  • ආහාර ගැනීමේ සංකූලතා (ආහාර අරුචිය-වමනය)
  • ලෙඩ රෝග – ක්ෂය රෝගය, පිළිකා රෝග, දියවැඩියාව
  • ආතතිය වැඩිවීම
  • තයිරොයිඩ් ග්‍රන්ථියේ අධි ක්‍රියාකාරිත්වය

ඔබගේ ශරීර ස්කන්ධ දර්ශකය 23-25kg/m2 අතර නම් අධි බර ලෙස සැලකේ.
ආහාර බහුල සහ ජනතාව ක්‍රියාශීලී නොමැති රටවල මෙම තත්ත්වය බහුලව දැකිය හැකිය.

බහුලව දක්නට ලැබෙන හේතු කීපයක්,

  • වැඩිපුර ආහාර ගැනීම
  • ශාරීරික ක්‍රියාකාරකම් නොමැතිවීම හෝ  අඩුවීම
  • අක්‍රිය ජීවන රටාව
  • නුසුදුසු ආහාර ගැනීම
  • තයිරොයිඩ් ග්‍රන්ථි‍යේ ක්‍රියාකාරිත්වය අඩුවීම
  • මානසික ආතතිය

ශරිර ස්කන්ධය දර්ශකය 25kg/m2ට වැඩි නම් තරබාරුයයි කියනු ලැබේ. මේද වැඩිපුර තැන්පත්වීම කෙතරම් ද යත් ඔබගේ ශරීර සෞඛ්‍යයට අහිතකර ලෙස බලපෑම නිසා ආයු කාලය අඩුවීම දැකිය හැකිය.

පහත සදහන් අවස්ථාවලදී ඔබ තරබාරු ලෙස සැලකේ.
1. ඉනව‍ට ප්‍රමාණය
ඉනවට ප්‍රමානය මැනිම සදහා – මිනුම් පටිය තිබිය යුතු ආකාරය
පිරිමින්ගේ  >සෙ.මි 89
ගැහැනුන්ගේ >සෙ.මි.79

2. ඉන-උකුල අනුපාතය
> 0.8 පිරිමින්ගේ
> 0.7 ගැහැණුන්ගේ
ඉන / උකුල අනුපාතය සමානය.

ඉන වටප්‍රමානය
අගල්
උකුල වට ප්‍රමානය
ලිංගය
පිරිමි
යහපත් සෞඛ්‍යය සදහා කරුණු කිහිපයක්,

  1. ශාරීරික ක්‍රියාකාරකම්
    ඔබගේ ශරීරයේ වැඩිපුර ඇති කැලරි අඩු කොට සුදුසු ශරීර ස්කන්ධ දර්ශකයක් පවත්වා ගැනීම සදහා හොද ක්‍රියාකාරිත්වයක් තබා ගැනීම අවශ්‍යය. ක්‍රමානුකූලව සහ මධ්‍යම ප්‍රමාණයට දිනපතා ශාරීරික ක්‍රියාකාරකම් වල යෙදීම ශාරීරික යෝග්‍යතාවය හොදින් පවත්වා ගැනීමටත් තවදුරටත් දියුණු කර ගැනීමටත් ඉවහල් වේ. සෙල්ලම් කිරීම, ඔබ වඩාත් විනෝදයෙන් මැදිහත් වන නැටුම්, පිහිනීම් හෝ බයිසිකල් පැදීම වැනි ක්‍රියාකාරකමක් තෝරාගන්න.
    ඇවිදීම: ඔබගේ නිවසේ සිට විනාඩි 30ක දුරක් ගොස් ආපසු පැමිණෙන්න.ඇවිදීම කාහටත් කල හැකි ඉතා හොද ව්‍යායාමකි. එය ඔබගේ ශරීරයේ නම්‍යතාවය සහ සමබරතාවය වැඩි දියුණු කරයි.ඔබ වඩාත් ශක්තිමත් ධනාත්මක පුද්ගලයකු කරයි.ඔබගේ දින චර්යාවට ක්‍රියාකාරකම් සහ කෙටි දුර ඇවිදිම් අන්තර්ගත  කරන්න.බයිසිකලය හෝ මෝටර් රථය පාවිච්චි නො‍කොට කෙටි දුර දිවීමට පුරුදු වන්න.මෝටර් රථය ඈත තැනක නතර කොට ඇවිද ගොස් තට්ටු ගොඩනැගිලිවල තට්ටු 2ක් හෝ 3ක් ඇවිද යාමට පුරුදුවන්න.සෑම කාන්තාවක්ම නිවසේ වැඩ කටයුතුවල යෙදෙන බවත් මෙය ව්‍යායාමයක් ලෙස නොසලකන බවත් දැනගැනිම වැදගත්වේ.
  2. කලින් නින්දට යන්න.
    මෙම යහපත් පුරුද්ද පවත්වාගෙන යන්න. ඔබගේ ශරීරයේ ගෙවුනු කොටස් අලුත් වැඩියා කිරීම සහ ක්‍රමානුකූල කිරීම නි‍න්දේදී සිදුවේ.
  3. අලුත් එලවළු වැඩිපුර ආහාරයට එක් කරන්න.
    රතු මස්, ලුණු, සීනී අඩු කරන්න.අලුත් එලවළු වර්ග සහ පලතුරුවල ඇති විටමින් වර්ග, ලවණ වර්ග සහ කෙදි ඔබ දිගු කාලීන රෝගවලින් ආරක්ෂා කර කොලෙස්ටරෝල් අඩු කරන අතර මළ බද්ධය අවම කරයි.ඔබගේ ආහාරයට එලවළු අනිවාර්ය කරන්න. අමතර කුඩා ආහාර වේල් සදහා පලතුරු භාවිත කරන්න. වෙනස් පෝෂ්‍ය පදාර්ථ 3ක් ලැබෙන සේ එලවළු පලතුරු තෝරාගන්න.අවම වශයෙන් දිනකට එලවළු පලතුරු ජාති 5ක් අනුභව කරන්න.එළවළු හා පළතුරුවල තද පැහැය වැඩිවන විට විටමින් ප්‍රමාණය වැඩිවන බව පෙන්නුම් කරයි.ශාක කොටස්, කොළ වර්ග, අල වර්ග, මල් සහ ගෙඩි අඩංගු විවිධ ආහාර අනුභව කරන්න. කල් තබාගැනීමට පිළියෙල කරන ලද සහ ක්ෂනික ආහාර අනුභව කිරීමෙන් වළකින්න.
  4. ඔබ මානසික ආතතියෙන් මිදී සිටින්න.
    ඔබට ගැටලු හෝ භිතියක් ඇත්නම් විශ්වාසවන්ත පුද්ගලයෙකු සමග කතා කරන්න.
  5. ජලය පානය කරන්න.
    දිනකට අවම වශයෙන් වතුර වීදුරු 10ක් පානය කරන්න.අපගේ ශරීරයේ විශාල ප්‍රමාණයක් ජලයෙන් සෑදී ඇති අතර එය ශරීරයේ සියලු ක්‍රියා සදහා මුලික අවශ්‍යතාවයකි.